Молиявий фирибгарликда гумон қилинган Сальвадорнинг собиқ президенти Франсиско Флорес касалхонада 56 ёшида вафот этди. Бу ҳақда «Газета.ru» хабар бермоқда.
10 миллион долларни ўмарганликда айбланган Флорес бир неча ой давомида ҳуқуқ-тартибот идораларидан яшириниб юрди, бироқ кейинчалик полицияга таслим бўлди ва буни «фақат қонунни ҳурмат қилгани» билан изоҳлади.
2009—2014 йилларда мамлакатни бошқарган Маурисио Фунес 1999—2004 йилларда давлат раҳбари бўлган Флоресни Тайвань Сальвадорга иқтисодий ёрдам тариқасида ажратган 10 миллион долларни ўзлаштиришда айблаган, собиқ президент эса барча айбловларни рад этганди.
Флорес 2014 йил сентябрида ҳибсга олинган, орадан икки ой ўтиб соғлиғидаги муаммолар туфайли касалхонага ўтказилганди.
Изоҳ (0)