Business Insider сайёранинг энг бой 50 одами рўйхатини чоп қилди

Business Insider портали Ер сайёрасининг энг бой 50 одамини аниқлаш бўйича Wealth-X нашри билан биргаликда олиб борган тадқиқотлари натижасини эълон қилди, деб хабар беради «Газета.ru».

Таҳлил учун Ер сайёрасининг энг бой 110 минг одами ҳақидаги маълумотлардан фойдаланилди. Якунда сайёранинг энг бой 50 фуқароси танлаб олинди, уларнинг умумий бойлиги тахминан 1,46 триллион долларга баҳоланмоқда. Нашрнинг қайд этишича, бу Австралия, Испания ёки Мексиканинг йиллик ялпи ички маҳсулотидан кўп деганидир.

Рейтингни Microsoft асосчиси 60 ёшли Билл Гейтс бошқариб турибди. Унинг бойлиги 87,4 миллиард долларга баҳоланмоқда. Унинг ортидан 66,8 миллиард доллар капиталга эга 79 ёшли испан Амансио Ортега бормоқда. У 77 мамлакатда 5 мингдан ортиқ дўконига эга Inditex компаниясини очган. Кучли учликни дунёдаги энг машҳур инвесторлардан бири 85 ёшли америкалик Уоррен Баффет якунлаб берган. Унинг бойлиги 60,7 миллиард долларга баҳоланди.

«Миллиардерлар клуби»га аъзо бўлиш учун камида 14,3 миллиард долларга эга бўлиш керак. Рейтингни якунлаб берган 58 ёшли нигериялик инвестор Лико Данготенинг айнан шунча бойлиги бор.