Италиянинг Остана шаҳрида 28 йилдан бери биринчи марта бола туғилди. Чақалоқ туфайли шаҳар аҳолиси сони 85 кишига етди, улардан салкам ярми бу ерда муқим яшайди. Бу ҳақда «Газета.ru» хабар бермоқда.
«Ниҳоят, бу ерда ҳам кимдир туғилди. Аҳоли сонини кўпайтириш борасидаги уринишларимиз, аста-секин бўлса-да, ўз самарасини бермоқда», — дея шарҳлаган мазкур янгиликни шаҳар мэри Жакомо Ломбардо.
Унинг айтишича, 100 йил аввал Остана мингдан зиёд киши истиқомат қиладиган, гуллаб-яшнаган манзил бўлган. Урушдан кейинги даврга келиб, аҳоли сони 700 кишига тушиб қолган ва юқори суръатлар билан камайишда давом этган. Ўтган асрнинг 80-йилларида эса шаҳарда доимий равишда 5 киши истиқомат қилган, холос.
31 январь, якшанба куни Останада янги меҳмоннинг дунёга келгани шарафига байрам уюштирилиши режалаштирилган.
Изоҳ (0)