Россия қишлоқ хўжалиги вазирлигида Халқаро ҳамкорлик департаменти директори Артём Цинамдзгвришвилининг Ўзбекистон элчихонаси вакили билан музокаралари бўлиб ўтди, деб ёзади «Review.uz». Томонлар Ўзбекистон қишлоқ хўжалик маҳсулотлари импортини ошириш масалаларини муҳокама қилди.
Учрашувда таъкидланишича, 2015 йилда Ўзбекистондан Россияга қишлоқ хўжалик маҳсулотларини етказиб бериш ҳажми 2014 йилга нисбатан 10,6 фоизга ўсган.
Учрашув иштирокчилари Россияда ўзбек мева-сабзавот маҳсулотлари экспорти географиясини кенгайтириш ва ўз маҳсулотларини Россияга етказиб беришни кўпайтириш истагини билдирган ўзбек корхоналарига ёрдам бериш механизмларини ишлаб чиқишни ўз ичига олувчи, ҳамкорликни ривожлантиришнинг дастлабки режасини белгилаб олди.
Музокаралар якунида томонлар қишлоқ хўжалиги соҳасида Россия-Ўзбекистон ҳамкорлигини кучайтириш бўйича биргаликдаги ишларни давом эттиришга келишиб олди.
Изоҳ (0)