АҚШ ўзининг Москвадаги элчихонаси қаршисида президент Барак Обама тасвирланган плакат пайдо бўлганини қоралади, деб ёзади «ТАСС» АҚШ давлат департаменти матбуот хизмати бошлиғи ўринбосари Марк Тонерга таяниб.
«Сўз эркинлиги қаерда бўлмасин сўз эркинлиги бўлиб қолади. Биз президентимизга берилган бундай тарифга бутунлай қаршимиз», — дея таъкидлади у мунтазам брифинг чоғида журналистлар саволларига жавобан.
Эслатиб ўтамиз, аввалроқ АҚШнинг Москвадаги элчихонаси қаршисидаги турар-жой биносига Америка президенти Барак Обама портрети ва Killer («қотил») ёзуви туширилган плакат осиб қўйилгани хабар берилган эди. Ушбу акция учун жавобгарликни «Главплакат» арт-жамияти тарафдорлари ўз бўйнига олди. Гуруҳ сайтида ёзилишича, ўн метрли баннер «АҚШ ҳукуматининг хорижий давлат ҳудудига навбатдаги ҳарбий ҳужум бўйича режалари»га бағишланган.
Изоҳ (0)