Эгей денгизида, Грециянинг Кос ороли яқинида муҳожирлар тушган қайиқ ҳалокатга учради. Бу ҳақда «РИА Новости» хабар бермоқда.
Ҳодиса 27 январь, чоршанба куни эрталаб содир бўлган. Қайиқда тахминан 10 киши бўлгани айтилмоқда. Қирғоқ ҳимояси хизмати сувдан олти киши — уч эркак, икки аёл ва беш ёш атрофидаги боланинг жасадини олиб чиққан.
Қидирув-қутқарув операцияси давом этмоқда. Унда Европанинг чегаралар ҳимояси бўйича Frontex агентлиги ва Греция қутқарув жамоаси кемалари, вертолёт иштирок этмоқда.
Изоҳ (0)