Халқаро жиноят суди 2008 йилда Жанубий Осетияда юз берган жиноятларни текширишга рухсат берди
Халқаро жиноят суди прокурор девонхонасига 2008 йилда Жанубий Осетия ва Грузияда рўй берган жиноятлар юзасидан текширув ишларини олиб боришга рухсат берди. Бу ҳақда Meduza хабар қилмоқда.
Қарорда айтилишича, жиноятлар Грузия ҳудудида содир бўлган, чунки жаҳон ҳамжамияти Жанубий Осетиянинг мустақиллигини тан олмайди.
Жиноятлар 2008 йил 1 июлдан 10 октябргача «халқари ҳарбий можаролар» пайтида содир бўлган. Суд олти мингдан ортиқ жабрланувчидан аризалар қабул қилган.
Суд қарорида август ойида тузилган сулҳдан кейин Россия ҳарбийлари чегарада буфер зоналарини ташкил қилгани ёдга олинган. Ҳужжатда айтилишича, ушбу ҳудудда яшаётган грузинлар сулҳ тузилгандан кейин ҳам ҳужумлардан жабр кўрган.
2008 йил августида Россия ва Грузия ўртасида ҳарбий можаро юз берган ҳамда Жанубий Осетия ва Грузия чегарасида отишма келиб чиққан. Расмий маълумотларга кўра, РФ 74 кишини йўқотган. Жанубий Осетия 32 нафар ҳарбий ва ИИВ ходимини йўқотганини маълум қилган. Грузия 154 ҳарбий ва 32 нафар ИИВ ходимини йўқотган.
Жанубий Осетия можаролар вақтида тинч аҳоли вакилларидан 1600 киши ҳалок бўлганини хабар берган. Геноцид бўйича жиноий иш очган РФ Тергов қўмитаси 162 нафар тинч аҳоли қурбон бўлганини маълум қилган.
