Ўзбекистон бозорида 2014 йилдан бери фаолият олиб бораётган Туркиянинг машҳур болалар пойабзали бренди — Vicco оригинал ва ёрқин оёқ кийимлари билан харидорлар меҳрини қозониб улгурган.
Vicco Uzbekistan дўконларида 1 ёшдан 16 ёшгача бўлган болалар учун мўлжалланган бир неча юз хилдаги оёқ кийимларини топиш мумкин, эътиборли томони, уларнинг аксарияти махсус ортопедик пойабзал бўлиб, бу болакайларнинг соғлом ривожланишига, масалан, ясситовонликнинг олдини олишга ёрдам беради.
Vicco пойабзалларининг аксарияти қўлда тикилади ва тайёр бўлганидан сўнг, чокларининг чидамлилиги, ишлатилган материалининг мустаҳкамлигини аниқлаш учун лаборатория текширувларидан ўтказилади. Vicco’нинг барча маҳсулотлари ISO 9001:2008 стандарти бўйича сертификатлаштирилган.
Пойабзал бир неча текширув босқичидан ўтади ва яроқсиз маҳсулотнинг савдода пайдо бўлиши эҳтимоли амалда йўқ. Vicco Uzbekistan эса яна бир — харидор текшируви босқичини ҳам жорий этди. Айнан шу босқичдан сўнг сифат бекаму-кўст экани ҳақида истиҳоласиз фикр билдирса бўлади.
Пойабзални харид қилиш вақтида Vicco сизга чек бириктирилган конвертни топширади — конвертда пойабзал сотиб олинган сана ва унинг моделини текшириш имконини берувчи харид ID’си бўлади. Бу конверт 12 ойлик кафолатнинг ҳуқуқий асосидир: мазкур муддат пойабзални икки мавсум давомида кийиш учун етарли.
Қандай ҳолатларда Vicco кафолат хизматини кўрсатади? Дейлик, Vicco’дан оёқ кийим харид қилганингиздан сўнг маълум вақт ўтиб, пойабзал учун ишлатилган материалнинг ишдан чиққани ёки ўрнига ўхшовсиз қотирилганини сезиб қолдингиз — Vicco пойабзални алмаштириб беради.
Агар пойабзал чоклари сўкилиб кетса, иплари узилса ёки чоклари белгиланганидек тўғри эмаслиги аниқланса, пойабзал жуфтларидаги деталлар узунлиги ва кенглиги бир-биридан фарқли ёки қўнжларининг узунлиги ҳар хил бўлса, тагчармнинг чоклари сўкилиб кетса ёки пойабзалнинг таг қисми устидан ажралиб кетса, чоклари ё боғичлари узилиб кетса, безакли деталлари ё қотирувчи қисмлари ажралиб кетса, қопловчи материали ёрилиб кетса — пойабзал алмаштирилади.
Умуман, ташқи кузатувда сезиларли ҳар қандай нуқсон пойабзалнинг алмаштирилиши учун сабаб бўла олади. Агар ишлаб чиқарувчи ёки сотувчининг айби билан юз берган камчилик/нуқсон аниқланса, Vicco пойабзални нархига мос бошқа жуфтига алмаштириб беради ёки мурожаат қилинганидан кейинги 20 кун ичида ўз ҳисобидан созлаб беради.
Эътиборли томони, мазкур акция Vicco’нинг Туркиядаги дўконларидан сотиб олинган маҳсулотлар учун ҳам амал қилади. Олиб келган пойабзалингизда камчилик борлигини аниқласангиз, уни Ўзбекистонда туриб алмаштиришингиз мумкин. Энг асосийси, модель ва харидорнинг маълумотлари қайд этилган бўлиши ва кафолат конверти бешикаст сақланиши лозим.
Бироқ, яна бир қатор ҳолатлар борки, улар учун кафолат хизмати кўрсатилмайди. Масалан, фарзандингиз янги туфлида футбол ўйнаб, чармнинг юқори қатламини шилиб қўйса, маҳсулот алмаштириб берилмайди. Vicco пойабзаллардаги барча безакли деталлар, тошчалар ишончли мустаҳкамланган, шу сабабли уларнинг куч ишлатилмасдан тушиб кетгани тасдиқланмаса, кафолат хизмати кўрсатиладиган ҳолат сифатида тан олинмайди.
Vicco’нинг барча пойабзаллари юқори сифатли материаллардан тайёрланади ва эҳтиёткорлик билан фойдаланилса, улар ишдан чиқмайди. Агар пойабзални узоқ вақт сувда қолдирсангиз, электр ускуналари ёки батареяларда қуритсангиз, қаттиқ шчёткалар ёрдамида ювсангиз, пойабзал яроқсиз ҳолга келиши турган гап. Бундай ҳолатларда ҳам харидор Vicco томонидан тақдим этилган кафолат хизматидан фойдалана олмайди.
Кафолат хизмати ҳақидаги тўлиқ ахборот билан Vicco Uzbekistan’нинг расмий сайтида танишиш мумкин.
Vicco сизга фақат ёқимли харидлар тилайди ва сифати учун ўзи тўлиқ жавобгар бўлган маҳсулотларни баҳолашга таклиф қилади.
Мурожаат учун
- Веб-сайт: www.vicco.uz
- Telegram: @viccouzb
- Телефон: (+998-71)-205-09-19
Изоҳ (0)