Афғонистоннинг Ҳиндикуш тоғларида, Тошкент шаҳридан 550 километр узоқликда 27 январь, Тошкент вақти билан 4:20 да зилзила юз берди. «Тошкент» марказий сейсмостанциясидан «Дарё»га маълум қилишларича, эпицентрда зилзила магнитудаси 5 га тенг бўлган.
Сейсмостанция маълумотларига кўра, Афғонистондаги ушбу зилзила Тошкентда 2 балл бўлиб сезилган. Ўзбекистоннинг бошқа шаҳарларида ерости силкинишлари сезилгани тўғрисида ахборот йўқ.
Маълумот учун, бунгача январь ойида Тошкент шаҳрида олти марта — 1 январь, 2 январь, 8 январь, 9 январь, 13 январь, 14 январь кунлари ерости силкинишлари сезилган эди.
Изоҳ (0)