АҚШнинг Калифорния штатидаги Санта-Ан қамоқхонасидан ўта хавфли жиноятчи —Ҳусайн Ноерий қочиб кетди. Бу ҳақда Оранаж округи бош прокурори ўринбосари Хизер Браун маълум қилди, дея хабар беради «ТАСС».
Хизер Браун ваҳшиёна жиноятларга қўл ургани учун қочоқни «Қўзичоқлар сукути» фильмидаги Ганнибал Лектерга қиёслаган ва «улар иккинчи Ганнибал Лектерни қочириб юборишди», деган.
Прокурор маълумотларига кўра, 22 январь, жума куни қамоқхонадан икки шериги билан қочган Ҳусайн Эронда туғилган бўлиб, Америкага қочиб ўтган ва бу ерда денгиз пиёдалари корпусида таҳсил олган. У одам ўғирлаш, шафқатсиз усуллар билан қийноққа солиш, оммавий тартибсизликларни келтириб чиқаришда айбланган.
Хизер Браун бундай ашаддий жиноятчини одатий тартибдаги умумий камерага жойлаштириб, катта хатога йўл қўйилганини таъкидламоқда. Федерал қидирув бюроси (ФҚБ) ва Калифорния полицияси қуролланган ва жиддий хавф туғдириши мумкин бўлган жиноятчиларни тутишда ёрдам берадиган маълумот учун 50 минг доллар мукофот ваъда қилган.
Изоҳ (0)