Тожикистон президенти Эмомали Раҳмон 27 январь, чоршанба куни ўз қизи Озода Раҳмонни президент аппарати раҳбари этиб тайинлади, дея хабар бермоқда «РИА Новости» давлат раҳбари матбуот хизматига таяниб.
Озода Раҳмон бунгача Тожикистон ташқи ишлар вазири биринчи ўринбосари лавозимини эгаллаб келган.
Янги лавозимда президентнинг қизи Бахтиёр Худоёрзода ўрнини эгаллади, унинг номзоди Сайловлар ва референдумлар бўйича марказий комиссия раиси лавозимига кўриб чиқиш учун парламентга киритилган.
Озода Раҳмон ташқи ишлар вазири биринчи ўринбосари сифатида 2013 йил ноябрь ойидан буён ишлаб келган. Бунгача эса ташқи ишлар вазири ўринбосари ва ТИВ Консуллик хизмати бошлиғи лавозимларида ишлаган.
Эслатиб ўтамиз, 2015 йил августида Эмомали Раҳмон ўзининг қизига I даражали «Шараф» орденини топширган эди.
Изоҳ (0)