2015 йил якунлари бўйича Хитойдан капитал олиб чиқиб кетилиши етти баробар ўсиб, кузатувлар тарихидаги рекорд кўрсаткич —1 триллион долларни ташкил этди. Бу ҳақда Bloomberg манбаларига таяниб, «Корреспондент.net» хабар бермоқда.
Ўтган йил декабрида инвесторлар мамлакатдан 158,7 миллиард долларни олиб чиққан, бу ноябрга нисбатан 50 миллиард долларга кўп. Солиштириш учун, 2014 йилда Хитойдан жами 134,3 миллиард доллар олиб чиқилганини айтиш мумкин.
Таҳлилчилар капиталнинг бунчалик катта ҳажмда чиқиб кетаётганини Хитой халқ банки юань курсини доллар эмас, жаҳон валюталари саватчаси орқали белгилаётгани, шунингдек, мамлакатда иқтисодиётнинг ўсиш суръатлари пасайиши кузатилаётгани билан боғлаган.
2015 йилда Хитой олтин-валюта захиралари ҳажми 513 миллиард долларга камайиб, 3,33 триллион долларни ташкил этган. Бу 1992 йилдан бери кузатилаётган биринчи пасайиш. Экспертлар тахминига кўра, 2016 йил охирига бориб, захиралар яна 300 миллиард долларга камайиб, 3 триллион долларга тушиб қолади.
Изоҳ (0)