Россиянинг 37 минтақасида грипп билан касалланишнинг эпидемия бўсағаси ошиб ўтилган. Бу ҳақда Россия истеъмолчилар ҳуқуқини ҳимоя қилиш ва инсон фаровонлиги соҳасида назорат федерал хизмати (Роспотребнадзор) раҳбари Анна Попова маълум қилди, дея хабар беради «Газета.ru».
«Эпидемия бўсағасидан ошиб ўтилган минтақалар сони кўпайгани қайд этилмоқда. Бугунги кунга келиб уларнинг сони 37 тага етди, 38 минтақада эса бу бўсаға мактаб ёшидаги болалар учун ҳатлаб ўтилган. Мазкур ҳудудларда вирусга қарши кураш чоралари кучайтирилган», — дея таъкидлаган А.Попова.
Эслатиб ўтамиз, олдинроқ йил бошидан бери Россияда грипп туфайли 27 киши ҳаётдан кўз юмгани, мамлакатда асосан чўчқа гриппи вируси кузатилаётгани маълум қилинганди.
Изоҳ (0)