Таиланд шифокорлари мамлакатда MERS коронавируси билан касалланишга оид иккинчи ҳолатни тасдиқлади. Бу ҳақда «РБК» хабар бермоқда.
Бемор 22 январь куни Уммондан Таиландга келган 71 ёшли эркак эканлиги айтилмоқда. Бунгача у бир ҳафта давомида безгак ва йўтал билан оғириб, ўз давлатидаги касалхонада ётган.
Таиланд соғлиқни сақлаш вазирлиги мамлакатда бемор билан алоқада бўлган кишилар, жумладан, у билан бирга самолётда учиб келган экипаж аъзолари ва йўловчиларни қидирмоқда. Бу инсонлар икки ҳафта давомида кузатув остида бўлади.
Таиландда коронавирус билан боғлиқ биринчи ҳолат ўтган йил 18 июлда қайд этилган. Ўшанда ҳам Уммондан келган 75 ёшли кишида инфекция аниқланган, у муваффақиятли даволаниб, мамлакатига қайтишига рухсат берилган ва касаллик тарқалишининг олди олинганди.
Изоҳ (0)