Эрон ва Хитой икки томонлама алоқаларини кенг қамровли стратегик шериклик даражасигача олиб чиқишга келишиб олди. Бу ҳақда Эрон Ислом республикаси президенти Ҳасан Руҳоний ва Хитой Халқ республикаси раиси Си Цзиньпин баёнотига таяниб, «Ведомости» хабар бермоқда. Уларнинг таъкидлашича, иккала давлат икки томонлама муносабатларнинг «янги босқичи»га ўтмоқда.
ХХР раиси Эронга нисбатан халқаро санкциялар бекор қилинганидан сўнг, у ерга ташриф буюрган биринчи давлат раҳбари бўлди.
«Эрон ва Хитой мамлакатлар ўртасидаги савдо ҳажмини ўн йил ичида 600 миллиард долларгача оширишга келишиб олди», — деди Руҳоний Си Цзиньпин билан матбуот анжуманида.
Эслатиб ўтамиз, Атом энергияси бўйича халқаро агентлик (МАГАТЭ) Эрон ўз ядро дастурининг музлатилишини назарда тутувчи битимнинг барча шартларини бажаргани ҳақидаги маърузани тақдим этгач, 16 январь куни Эронга нисбатан санкциялар бекор қилинди.
Изоҳ (0)