Англиянинг Вустер шаҳри фуқароси 33 миллион фунт стерлинг (47 миллион доллардан зиёд) миқдордаги ютуқ эгасига айланиш ҳуқуқини берувчи тўлиқ жекпотли лотерея чиптасига кир ювиш чоғида зарар етказиб қўйди, деб ёзади «ТАСС».
Исми ошкор этилмаётган аёл чиптани ювиб бўлинган шимнинг чўнтагидан топиб олган, сўнг уни фен билан қуритишга уринган. Бироқ ювилиш натижасида чипта кучли зарар кўрган: унда ютуқли рақамлар комбинацияси, шунингдек, лотерея ўйналган йил аниқ акс этиб турибди, аммо сана, серияли рақам ва штрих-код ўчиб кетган.
Аёл газета дўконига бориб, чипта у ердан харид қилинганини тасдиқлатмоқчи бўлганида эса сотувчи штрих-код бўлмаса, буни қилиб бўлмаслигини айтди.
Шунда британиялик аёл лотерея оператори — Camelot компанияси билан боғланди, у ердагилар ундан бўлган ҳодисани ёзма шаклда баён қилиб, зарар кўрган чипта билан бирга жўнатишни сўрашди. Энди у компания томонидан уни миллий лотерея ғолибларидан бири сифатида тан олиш-олмаслик ҳақида чиқариладиган ҳукмни кутмоқда.
Изоҳ (0)