Ўзбекистонда 2016 йил 1 мартдан кучга кирадиган Йўл ҳаракати қоидаларининг янги таҳририга кўра, ҳайдовчи ҳаракатни бошлашдан аввал йўловчиларни ҳаракат вақтида танани (қўлни чиқариш бунга кирмайди) автомобиль салонидан ташқарига чиқариш мумкин эмаслиги ҳақида огоҳлантириши шарт. Бу ҳақда «Даракчи» газетаси хабар бермоқда.
Ўзбекистон ИИВ Йўл ҳаракати хавфсизлиги бош бошқармаси бошлиғи Холматжон Сайдалиевнинг маълум қилишича, худди шу талаб Қоидаларнинг йўловчиларга тегишли 24 бандига ҳам қўшимча қилинди.
«Биласиз, сўнгги вақтларда, айниқса, тўй тантаналарида танасини ташқарига чиқариб, видеотасвирга олаётганлар тез-тез учраб турарди. Бу эса ҳаракатланиш хавфсизлигига жиддий раҳна солади. Шу сабабли мана шу ўзгартириш киритилди. Бундан ташқари, ҳайдовчи йўловчиларни хавфсизлик камарини тақиб олиш шартлигини айтиши шарт», — дейди Сайдалиев.
Изоҳ (0)