Chevrolet компанияси ҳар қандай йўлда ҳаракатлана оладиган ва Деҳли автосалони доирасида намойиш этиладиган компакт хетчбэк прототипини тайёрлади. Motor хабарига кўра, прототип Chevrolet’нинг Ҳиндистондаги бўлинмаси томонидан янги Spark (бошқа бозорларда — Beat) модели негизида ишлаб чиқилган.
Chevrolet номига Cross қўшимчасини қўшиб олган прототипнинг ҳозирча фақат битта тизерини эълон қилди. Кузовнинг олд қисми кўп жиҳатдан янги Spark’га ўхшаб кетади, бироқ ёруғлик диодли туманда ёқиладиган чироқлари, олд бампернинг қуйи қисмидаги ҳимоя пластинаси, шунингдек, кузовдаги қора чизиқлар ва рейлинглар билан фарқланади.
Янги авлод Spark хетчбэкининг тақдимоти 2015 йил апрелида бўлиб ўтганди. Модель аждодига нисбатан узунлашди, Ecotec оиласига мансуб, ҳажми 1,4 литр бўлган 98 от кучига эга янги двигатель билан таъминланди.
Янги Spark’ни General Motors’нинг Жанубий Кореядаги заводида ишлаб чиқариш кўзда тутилган. Моделни жаҳоннинг 40 дан ортиқ мамлакатларида сотиш режалаштирилган, бироқ Ҳиндистонда, тахминларга кўра, эски авлод хетчбэкининг платформасидан фойдаланилади.
Изоҳ (0)