Истанбул марказидаги Султонаҳмет майдони ҳудудида кучли портлаш содир бўлди. Шаҳар маъмуриятининг хабар қилишича, ўн киши ҳалок бўлган, 15 киши яраланган. Бу ҳақда NTV телеканали маълумотига таяниб, «РИА Новости» хабар беради.
Портлаш эпимаркази трамвай бекати яқинида бўлди. Портлаш сабаблари ҳозирча номаълум.
Тахминларнинг бирига кўра, портлаш худкуш террорчи томонидан амалга оширилган бўлиши мумкин. Маҳаллий ОАВнинг маълум қилишича, жабрланганлар орасида германиялик сайёҳлар бор.
Ҳодиса жойига кўплаб тез ёрдам машиналари етиб келган. Султонаҳмет майдони полиция томонидан қуршаб олинган. Портловчи қурилмаларни зарарсизлантирувчи мутахассислар ҳам воқеа жойига етиб келган.
https://www.youtube.com/watch?v=WKqsymCTPyU
Изоҳ (0)