АҚШ Жанубий Кореяга «Рональд Рейган» авиаташувчиси, атом сувости кемаси ва F-22 қирувчи самолётини жўнатади. Бу ҳақда Yonhap маълумотларига таяниб, Meduza хабар бермоқда.
Агентлик маълумотига кўра, бу ҳаракатлар КХДР томонидан ўтказилган ядро синовига жавобан АҚШ ва Жанубий Корея ўртасидаги ҳарбий ҳамкорликни кучайтириш доирасида амалга оширилмоқда. Шунингдек, икки давлат март ойига мўлжалланган ҳарбий машқларни эртароққа кўчириш имкониятини кўриб чиқмоқда. АҚШ қуролли кучларидаги расмий манбалар мазкур маълумотларни ҳозирча тасдиқламаган.
Эслатиб ўтамиз, олдинроқ АҚШнинг B-52 бомбардимончи самолёти Жанубий Корея осмонида парвоз қилгани ҳақида хабар берилганди.
Изоҳ (0)