Volkswagen AG раҳбари Маттиас Мюллер зарарли чиқинди кўрсаткичларини камайтириб кўрсатадиган электрон дастур ёрдамида қилинган фирибгарлик учун америкаликлардан узр сўради. Бу ҳақда AFP берган маълумотларга асосан «Коммерсантъ» хабар қилмоқда.
«Биз Америкада мижозларимиз, ҳукуматнинг масъул идоралари ва жамиятнинг кўнглини қаттиқ қолдирганимизни биламиз. Мен Volkswagen хатолари учун узр сўрайман», ― деди Мюллер.
Унинг маълум қилишича, автоконцерн АҚШ учун янги ўрта ҳажмли йўлтанламас автомобилини ишлаб чиқариш учун 900 миллион доллар миқдорида сармоя киритиш ниятида. Автомашинани ишлаб чиқариш мақсадида Теннесси штатида икки мингга яқин ишчи ўрни яратилади.
Эслатиб ўтамиз, АҚШ адлия вазирлиги Volkswagen автоконцернини судга берган эди.
Изоҳ (0)