Chevrolet Лас-Вегасда бўлиб ўтаётган CES 2016 халқаро кўргазмасида «халқ электромобили» — Bolt EV 2017 ни намойиш этди. Бу ҳақда «Корреспондент.net» хабар бермоқда.
Автомобиль бир марта қувват олгач 320 километрдан ошиқ масофа юради.
Унга сенсорли 10,2 дисплейли MyLink мультимедиа тизими ўрнатилган. Орқа кўриниш камераси ва машинани «қуш парвози баландлигидан» кўриш имконини берувчи Surround Vision тизими билан жиҳозланган.
Электромобилни Wi-Fi’га уланиш нуқтасига айлантириш мумкин, бунинг учун OnStar 4G LTE хизмати ўрнатилган. Смартфонлар учун мўлжалланган MyChevrolet Mobile App дастури орқали автомобиль ҳолатини масофадан туриб назорат қилиш ва айрим функциялари, хусусан, иқлим қурилмасини бошқариш мумкин.
Bolt EV 2016 йил охирида ишлаб чиқара бошланади, оммавий бозорга эса 2017 йил бошида чиқади. Нархи тахминан 30 минг доллар атрофида бўлиши кутилмоқда.
https://youtu.be/qy3JnNjv6uU
Изоҳ (0)