Яман ҳукумати БМТни мамлакатдан Инсон ҳуқуқлари бўйича БМТ олий комиссари бошқармаси вакили Жорж Абу ал-Зулофни ҳайдаб чиқариш тўғрисидаги буйруғини бекор қилиши ҳақида хабардор қилди, деб ёзади «ТАСС» жаҳон ташкилоти котибиятидаги манбасига таяниб.
«Персона нон грата деб эълон қилиш ҳақидаги қарор расман бекор қилиниши ҳақида бизни хабардор этишди. Агар бу ҳақиқатан ҳам амалга ошса, биз буни қизғин маъқуллаймиз», — деди у.
7 январь куни араб мамлакати ал-Зулофни персона нон грата (ўзи йўналтирилган мамлакат ҳукумати ишончини оқламаган ва уни тарк этиши керак бўлган дипломатик вакил) деб эълон қилган ва БМТ «Ямандаги инсон ҳуқуқлари билан боғлиқ соҳадаги вазият ҳақида етарли маълумотга эга бўлмасдан туриб, пресс-релиз ва маърузалар чоп этиши»ни таъкидлаган эди.
БМТ бош котиби Пан Ги Мун ҳукумат қарорини қоралади ва жаҳон ташкилоти ходимлари «ўз ишини қилаётгани учун таҳдид ёки жазо чораларига дучор бўлмаслиги керак»лигини қайд этди. У, шунингдек, Ямандаги БМТ ходимлари хавфсизлиги юзасидан хавотир билдирди.
Изоҳ (0)