Енгил атлетика федерациялари халқаро ассоциацияси (IAAF) ахлоқ комиссияси Россия енгил атлетика федерациясининг собиқ президенти Валентин Балахничевни умрбод дисквалификация қилди. Бу ҳақда «Ведомости» хабар бермоқда.
IAAF собиқ президентининг ўғли, ассоциация собиқ маслаҳатчиси Папа Массат Диак ҳамда Россия енгил атлетика терма жамоаси мураббийларидан бири Алексей Мелников ҳам спортдан умрбод четлатилди. Ассоциация антидопинг қўмитасининг собиқ раҳбари Габриэл Долле беш йилга дисквалификация қилинди. Бундан ташқари, Балахничев ва Диак 25 минг, Мелников эса 15 минг доллар жаримага тортилиши мумкин.
Эслатиб ўтамиз, 1999 йил ноябридан 2015 йил августигача IAAF'ни бошқарган Ламин Диак россиялик енгил атлетикачилар допинг қабул қилиши ҳолатларини яшириш учун пора олганликда гумонланиб, ҳибсга олинганди.
Изоҳ (0)