Афғонистон жанубидаги Гильменд вилоятида америкалик бир нафар ҳарбий ҳалок бўлди ва икки нафари яраланди. Бу ҳақда АҚШнинг Афғонистондаги қуролли кучлари вакили, бригада генерали Уилсон Шоффнер маълум қилди, деб хабар беради «ТАСС».
«5 январь куни Гильменд вилоятидаги Маржа тумани яқинидаги операция вақтида яраланган Қўшма Штатларнинг бир нафар ҳарбий хизматчиси ҳалок бўлди. Яна икки нафар америкалик ҳарбий яраланди», — деб Шоффнернинг баёнотидан келтиради Reuters.
АҚШ мудофаа вазирлигидаги манбага таяниб, NBC телекомпаниясининг хабар беришича, америкалик икки нафар ҳарбий Маржа туманидаги аксилтеррорчилик операциясида яраланган. Уларни эвакуация қилиш учун чақирилган вертолёт эса миномёт ва ўқотар қуроллардан ўққа тутилган.
Изоҳ (0)