Яманда давом этаётган можаро оқибатида 2015 йил 26 мартидан 31 декабрга қадар салкам 2,8 минг киши нобуд бўлди. Бу ҳақда БМТ Инсон ҳуқуқлари бўйича олий комиссари бошқармасининг расмий вакили Руперт Колвилл 5 январь, сешанба куни Женевадаги брифингда маълум қилди, дея хабар беради «ТАСС».
«Ямандаги қуролли можаро тинч аҳоли нобуд бўлишига олиб келишда давом этмоқда. Ўтган йил декабрида 81 киши ҳалок бўлган ва 109 киши яраланган. Фуқаролар орасидаги йўқотишларнинг умумий сони йил охирига келиб 8199 кишини ташкил этди. Улардан 2795 киши ўлдирилган, 5324 киши жароҳатланган», — дея таъкидлаган Колвилл.
Изоҳ (0)