2015 йил 31 декабрь куни соат 10:00 да Сурхондарё вилояти Сариосиё туманидаги «Н» ҳарбий қисм томонидан Мурувват уйида Янги йил тадбири ўтказилди.
Байрам ўтказишдан олдин уч кун мобайнида 20 дан ошиқ аскар ва зобитлар Мурувват уйи ҳудудида ободонлаштириш ишларини олиб борди. Байрам кунида эса ҳарбий қисм томонидан байрам дастурхони тузалиб ош дамлаб берилди. Бундан ташқари, ҳар бир ногиронга бир донадан чойшаб тўплами тақдим этилди.
Байрам тадбирида Қорбобо, Қорқизлар ҳамда туман ҳокимлиги Маданият ва спорт ишлари бўлимига қарашли ансамбл иштирок этди. Шу куни ҳомийлар томонидан турли хил совға ва бошқа турдаги 6 миллион сўмлик ҳомийлик ёрдами кўрсатилди.
Сариосиё туманидаги «Фарҳод» мурувват уйида ҳозирги кунда 194 нафар биринчи ва иккинчи гуруҳ ногиронлари истиқомат қилади.
Изоҳ (0)