Қутқарувчилар Каспий денгизининг Туркманистон секторида яна икки нефтчининг жасадини топгач, Озарбайжоннинг «Гюнешли» нефть платформасидаги ёнғин қурбонлари сони ўн кишига етди, дея хабар бермоқда «РИА Новости».
«Гюнешли» кони платформасида содир бўлган авария натижасида изсиз йўқолган икки нафар озарбайжонлик нефтчининг жасади Туркманистон соҳилларидан 65 км масофада аниқланди.
Жасадларни ватанига элтиш ва уларнинг шахсини аниқлаш учун тергов гуруҳини ортган самолёт воқеа жойига етиб келди.
Эслатиб ўтамиз, Озарбайжоннинг Каспий денгизидаги акваториясида жойлашган нефть платформасида 4 декабрь куни ёнғин юзага келган эди. Расмий маълумотларга кўра, 33 киши қутқарилган, 20 киши бедарак йўқолган.
Изоҳ (0)