Россия Туркиядан Су-24 учувчиси отиб ўлдирилишига алоқадор бўлган Алпарслон Челик зудлик билан қўлга олинишини талаб қилди. Бу ҳақда Россия ташқи ишлар вазирлиги сайтида жойлаштирилган баёнотда маълум қилинган, дея хабар беради «Газета.ru».
«Турк расмийларидан Челик ва унинг сафдошларини тутиш ҳамда россиялик учувчи ўлдирилганлиги, шунингдек, хорижий давлат ҳудудида ноқонуний қуролли тузилмалар томонида жанговар ҳаракатларда иштирок этганлиги учун жиноий жавобгарликка тортиш чораларини кўришни талаб қиламиз», — дея таъкидлаган Россия ТИВ расмий вакили Мария Захарова.
Вазирлик маълумотларига кўра, Челик 27 декабрь куни Туркиянинг Hurriyet газетасига интервью берган ва унда россиялик учувчи ўлдирилишида иштирок этганини тан олган. Мазкур интервью юзасидан Туркия расмийлари ҳеч қандай изоҳ бермагани Россия томонининг норозилигига сабаб бўлган.
Изоҳ (0)