Американинг Япониядаги Йокота авиабазасида объект ҳудудига «шубҳали тугун кўтарган» одам кириб олгани учун тревога эълон қилинди, дея хабар бермоқда «ТАСС».
АҚШнинг NBC телеканали маълумотларига кўра, қонунбузар қўлга олинган, унинг шахси ошкор этилмаяпти. Шунингдек, унинг ёнидаги тугун ичида нима бўлганига ҳам аниқлик киритилмаяпти.
Бостириб кириш ҳақида маълум бўлганидан сўнг, базада тревога эълон қилинди. Унинг ходимларига пана жойга яшириниб олиш ва у ердан чиқмаслик тавсия этилди.
Айни пайтда тревога бекор қилинган.
Авиабаза расмий вакиллари ҳодиса юзасидан текширув бошланганини маълум қилди.
Изоҳ (0)