БМТ келгуси йил 25 январда Женевада Суриядаги томонлар ўртасидаги музокараларни бошлашга ҳаракат қилмоқда. Бу ҳақда БМТ Сурия бўйича махсус вакили Стаффан де Мистуранинг матбуот котиби маълум қилди, дея хабар беради «РБК».
«Махсус вакил бу жараёнда барча томонларнинг тўла-тўкис ҳамкорлигига умид қилмоқда. Жойлардаги воқеалар ривожи бунга халақит бермаслиги лозим», — дея таъкидлаган матбуот котиби.
Олдинроқ БМТ Хавфсизлик кенгаши бир овоздан Сурия бўйича резолюция қабул қилгани, ҳужжатда Сурия расмийлари ва мухолифат ўртасида тез орада музокаралар ўтказиш зарурлиги уқтирилгани ҳақида хабар берилганди.
Изоҳ (0)