Ҳиндистон бош вазири Нарендра Моди кутилмаганда Покистонга ташриф буюрди. Мазкур ташриф ҳақида олдиндан ҳеч қандай маълумот берилмаганди. Бу ҳақда The Hindu хабар бермоқда.
Олдинига Ҳиндистон етакчиси Райвинд шаҳрига борди. Покистон бош вазири Навоз Шариф хонадонида бўлиб, унинг набираси никоҳ тўйида қатнашди, ҳамкасби билан биргаликда келин-куёвга оқ фотиҳа берди. Шундан сўнг ҳукумат раҳбарлари Лаҳор шаҳрига жўнади ва икки томонлама музокаралар ўтказди.
Мазкур ташриф 11 йил мобайнида илк бор амалга оширилди: охирги марта Ҳиндистон бош вазири Атал Бихари Важпаи 2004 йили Покистонга келганди.
Изоҳ (0)