Елизавета II анъанавий Рождество табригида фуқароларни байрам билан қутлаб, йилнинг муҳим воқеалари, хусусан, Иккинчи жаҳон уруши якунланганининг 70 йиллигини эслатиб ўтди ҳамда бу ғалабани тақдим этганларга миннатдорчилик билдирди. Шунингдек, ўзи 90 ёшга тўладиган 2016 йилни сабрсизлик билан кутаётганини маълум қилди, дея хабар беради «Сегодня.ua».
Қиролича бобоси Георг V томонидан бошланган анъанани давом эттириб, ҳар йили Рождествода миллатга мурожаат этади. Унинг ўзи томонидан ёзиладиган мурожаат радио ва телевидение орқали берилади.
Елизавета II ва унинг оиласи анъанага кўра, Рождествони Норфолк графлигидаги Сандрингем манзилида қарши олди.
Изоҳ (0)