Туркия бош вазири Аҳмет Давутўғли курдлар тарафдори бўлган Халқ-демократик партияси билан 26 декабрь, шанба кунга режалаштирилган учрашувни бекор қилди, деб ёзади «Ведомости». Унинг айтишича, ушбу партия сиёсати зўравонликдан фақат наф кўради.
Бош вазир бўлғуси конституциявий ислоҳотни муҳокама қилиш учун парламентнинг учта мухолифат партияси етакчилари билан учрашиши керак эди.
«Халқ-демократик партияси вакилларининг сўнгги баёнотлари шуни билдирадики, унинг сиёати зўравонлик ва кескинликдан фақат наф кўради. Бундай муносабат бўлар экан, музокаралар ўтказишдан энди маъни йўқ», — дейилади Давутўғли баёнотида.
Нашр эслатишича, Туркия армияси ва полиция кучлари мамлакатнинг курдлар яшайдиган жануби-шарқий қисмида махсус операциялар ўтказмоқда.
Изоҳ (0)