Австралия жанубида ёнғин туфайли кулга айланган уйлар сони 100 дан ошди. Бу ҳақда «ТАСС» хабар бермоқда.
Виктория штати фавқулодда вазиятлар бошқармаси раҳбари Крейг Лепслининг маълум қилишича, ёнғин оқибатида 116 та уй яроқсиз ҳолга келган, бироқ ҳеч ким жабр кўрмаган. Булутли об-ҳаво қутқарувчилар ишини бироз енгиллаштирган бўлса-да, расмийлар ёнғин яна бир неча ҳафта давом этиши мумкинлиги ҳақида огоҳлантирмоқда.
Австралияда ҳозирда ёз фасли, мамлакат жанубида ҳукм сураётган қуруқ, иссиқ ва шамолли об-ҳаво Виктория штати ҳамда Тасмания оролида кўплаб ёнғинлар келиб чиқишига сабаб бўлмоқда.
Изоҳ (0)