Жанубий Америкада давом этаётган тошқинлар туфайли 150 мингдан зиёд киши ўз уйини тарк этишга мажбур бўлди. Бундай тошқин минтақада бир неча ўн йилдан бери кузатилмагани айтилмоқда, дея хабар беради «РБК».
Табиий офатдан энг кўп Парагвай жабр кўрди: президент Орасио Кортес мамлакатда фавқулодда ҳолат жорий этишга мажбур бўлди. Парагвай дарёси сатҳи кўтарилиб, пойтахт Асунсьон ва унинг атрофидаги ҳудудлар учун жиддий хавф туғдирмоқда. Расмийлар дарё қирғоғида яшовчи аҳолини ёппасига эвакуация қилишга тайёргарлик кўрмоқда.
Тропик ёмғирлар туфайли Уругвай, Аргентина ва Бразилияда ҳам дарёлар сатҳи кўтарилган. Аргентина шимолида 20 мингга яқин киши эвакуация қилинган. Бразилиянинг Риу-Гранди-ду-Сул штатида 1800 оила ўз уйини тарк этишига тўғри келди.
Изоҳ (0)