Италия дўконлари бир неча йиллар кокаинли чой сотгани маълум бўлди

Италия полицияси дўконларда бир неча йиллардан буён сотилиб келинаётган кока баргидан тайёрланган чойни мусодара қилади, дея хабар бермоқда «Сегодня.ua».

Шифобахш ичимлик таркибида наркотик борлиги генуялик автобус ҳайдовчиси ўзи ишлайдиган компанияда ўтказилган оддий тестдан ўта олмагач, маълум бўлди. Тест натижалари организмда наркотик борлигини кўрсатди.

Ҳайдовчи ноқонуний нарса истеъмол қилмагани, фақат бир чашка elisse alla coca чойидан ичганини таъкидлади. Шунда шифокор ундан чой қадоғини кўрсатишни сўради. У ҳам чойдан ичиб кўргач, тест топширди — натижа қонда кокаин борлигини кўрсатди.

Ҳодиса ҳақида ҳуқуқни ҳимоя қилиш органларига хабар берилди. Улар чой сотилган дўконни текширганида, барча зарур ҳужжатлар мавжудлиги, дўкон эгаси чойни бир неча йиллардан буён Миланда перулик кўтарачидан қонуний тарзда харид қилиб келиши маълум бўлди.

Чой таркиби текширилганида, унда кока баргларида бўладиган фаол модда — кокаин гидрохлориди борлиги аниқланди. Полиция у сотиладиган дўконларнинг барчасидан маҳсулотни мусодара қилади.