Австралиянинг Мельбурн шаҳридан 120—150 км жануби-ғарбда океан соҳилларида жойлашган бир нечта сайёҳлик шаҳарчаларидаги ҳаёт кучли табиий ёнғинлар натижасида тўхтаб қолди, дея хабар бермоқда «ТАСС».
Виктория штати фавқулодда ҳолатлар бошқармаси маълумотларига кўра, 25 декабрь, жума куни кечқурун аланга оқибатида Лорн шаҳридан ғарбдаги аҳоли пунктларида 50 дан зиёд уй кулга айланган.
Жабрланганлар ва қурбонлар ҳақида хабар келиб тушганича йўқ — сайёҳлар ёнғин ҳақида аввалдан огоҳлантирилган ва кўпчилик одамлар хавфли ҳудудларни вақтида тарк этган эди.
Виктория штати ва Тасмания оролида кўплаб табиий ёнғинлар содир бўлишига қуруқ, иссиқ ва шамолли ҳаво сабаб бўлди.
Изоҳ (0)