Лора Жейкс ва Ричард Римд Жанубий Кореядаги биотехнология тадқиқотлари фонди — «Суам»га ўлган итларини клонлаштириш учун мурожаат этган британиялик илк мижозлар бўлди. Июнь ойида жуфтликнинг эркатойи бўлган Дилан лақабли итнинг ўлими Лора ва Жейк учун ҳақиқий фожиага айланган. Бу ҳақда The Guardian манбаларига таяниб, «Интерфакс» хабар бермоқда.
«Суам» тадқиқотчиси Дэвид Кимнинг маълум қилишича, бундай клонлаштириш лаборатория учун ўзига хос янгилик бўлади, чунки жонивордан ДНК намуналари ўлимидан 12 кун ўтиб олинган.
Клонлаштирилган икки кучук Рождествода дунёга келиши кутилмоқда. Британияликлар уларни олиб кетиш учун Жанубий Кореяга етиб келган. Бир итни клонлаштириш учун салкам 100 минг доллар талаб этилади.
«Суам» итларни клонлаштириш билан шуғулланадиган дунёдаги етакчи лаборатория ҳисобланади. Фонд ходимлари шу пайтга қадар 700дан зиёд итни клонлаштиришга муваффақ бўлган.
Изоҳ (0)