2015 йилда жаҳон валюталари курсларидаги ўзгаришлар суръатини прогноз қилган таҳлилчилар ўртача 11 фоиз пунктга адашди. Bloomberg агентлигининг қайд этишича, бу прогнозлар тузиш бошлагандан буён энг ёмон кўрсаткич бўлди. Бу ҳақда «РБК» хабар беради.
Жумладан, кўпчилик экспертлар Мексика песоси ва Канада долларининг мустаҳкамланишини кутганди, бироқ иккала валюта ҳам сезиларли равишда (тегишлича, 13 ва 17 фоизга) кучсизланди, .
Прогноз қилинган барча валюталар орасида девальвацияси 82 фоизни ташкил қиладиган Венесуэла боливари ва Аргентина песосининг келажаги ҳақидаги прогнозлар тўғри чиқди. Аргентина песосининг 30 фоизга тушиб кетишини башорат қилишганди ва 17 декабрда унинг девальвацияси 35 фоизга тенг бўлди.
Bloomberg’нинг қайд этишича, 2015 йилги валюта прогнозлари ўзини оқламаганига хомашё товарларининг нархи 16 йиллик минимумга тушгани, ривожланаётган мамлакатлар бозоридаги пасайиш ва бошқа омиллар сабаб бўлган.
Изоҳ (0)