Грузия бош вазири Ираклий Гарибашвили истеъфога чиқди, деб хабар қилади «Газета.ru».
Бу ҳақда унинг ўзи ҳукумат маъмуриятининг фавқулодда брифинги чоғида маълум қилди.
Грузия конституциясига кўра, бош вазири истеъфога чиқса, ҳукуматнинг бутун таркибининг вазифаси тўхтатилади ва улар вазифани вақтинча бажарувчиларга айланади.
Мамлакат президенти парламентдаги кўпчилик билан маслаҳатлашиши лозим. Бош вазир лавозимига номзод етти кун ичида эълон қилиниши керак.
Кейинги етти кун давомида бош вазирликка номзод вазирликка номзодларни танлайди ва ҳукумат дастурини тузиб чиқади ва уни парламентга таништиради. Шундан кейин ҳукуматнинг янги таркибига ишонч билдириш жараёни бошланади.
Изоҳ (0)