GM Uzbekistan 2016 йил май ойидан Т250 (Chevrolet Aveo) платформаси базасида янги моделни ишлаб чиқаришни бошлайди. Бу ҳақда, «РИА Новости»га асосланиб, UzDaily хабар бермоқда.
«Янги моделни ишлаб чиқариш 2016 йил май ойида бошланади, ҳозиргача янги модель учун мўлжалланган бир қатор эҳтиёт қисмларини тайёрлаш ўзлаштирилди», — деди «РИА Новости»нинг «Ўзавтосаноат»даги манбаси. Унинг сўзларига кўра, биринчи босқичда Chevrolet Aveo’нинг маҳаллийлаштириш даражаси 25 фоизни ташкил этади.
Аввалроқ, GM Uzbekistan компанияси Т250 платформаси базасидаги янги автомобилни сериялаб ишлаб чиқаришни ташкил этиш учун 2015—2016 йилларда 104,2 миллион доллар миқдорида инвестиция йўналтириши ҳақида хабар берилган эди.
Ишлаб чиқариш қуввати йилига 73,6 минг автомобилни ташкил этади. Янги модель икки йил давомида автозаводда шу классда ишлаб чиқарилаётган бошқа марка ўрнини эгаллайди ва экспортни диверсификация қилиш имконини беради.
Изоҳ (0)