Самарқанд шаҳри кўчаларида янги кўринишдаги Chevrolet Lacetti ҳаракатланаётгани акс этган фотосуратлар Facebook’даги «Водители Ташкента» гуруҳида эълон қилинди.
Автомобильнинг олд қисми Ўзбекистонда 2013 йил ноябридан сотила бошланган Lacetti Gentra’ники билан бир хил, бироқ орқа томони Ўзбекистонда ишлаб чиқарилган Lacetti’ларнинг бирорта авлодига ўхшамайди.
Дастлаб фойдаланувчиларнинг аксарияти автомобилнинг бундай кўринишини танқид қилган, ҳатто бу ўзгаришни машина эгаси дидсизларча ўзи амалга оширган, дея айблаганлар ҳам чиққан. Кейинроқ эса асосан ижобий фикрлар билдирилган, бир қатор фойдаланувчилар бундай редизайнни олқишлаган.
«Водители Ташкента» гуруҳи фойдаланувчилари томонидан қолдирилган хабарга кўра, моделнинг орқа томони Хитойда Buick Excelle номи остида ишлаб чиқарилган Chevrolet Lacetti’ники билан бир хил. Buick Excelle ҳам Chevrolet Lacetti платформасида ишлаб чиқилган бўлиб, бир неча бор фейслифтинг қилинган, олд ва орқа кўринишлари, айниқса, чироқлари бутунлай фарқли.
Самарқандда суратга олинган автомобиль айнан қайси мамлакатда ишлаб чиқарилганига аниқлик киритилмаган. Бироқ, ушбу фотосуратлар остида изоҳ қолдирган фойдаланувчилардан бири 2016 йилдан ўзбекистонлик буюртмачиларга айнан шундай Lacetti’лар етказиб берилишини, салони ҳам анча замонавийлашгани, нархи ҳам шу сабабли сезиларли қимматлашганини ёзган.Хитойда ишлаб чиқарилаётган Buick Excelle
Изоҳ (0)