НАТО Туркия ҳаво мудофааси учун ёрдам ажратишга рози бўлди

НАТОга аъзо давлатлар Сурия билан чегарада ҳаво мудофаасини кучайтириши учун Туркияга самолётлар юборишга рози бўлди. Бу ҳақда Reuters маълумотига таяниб, «Газета.ru» хабар беради.

Ёрдам ажратилиши тўғрисида альянс бош котиби Йенс Столтенберг маълум қилган.

«Биз Туркияга ёрдам пакети ажратиш юзасидан келишувга эришдик», — деди у.

Ушбу қарор, жумладан, Россия Су-24 самолёти билан боғлиқ ҳодиса каби ҳолатлар такрорланмаслиги учун қабул қилинганлиги таъкидланмоқда.