Машҳур бўлиб кетган дўстлар – йўлбарс Амур ва эчки Тимурнинг ижтимоий тармоқлардаги шахсий саҳифалари, интернет-дўкони ва алоҳида латифалар саҳифаси очилди. Бу ҳақда Приморье сафари боғидан берилган маълумотларга асосан «ТАСС» хабар қилмоқда.
Хусусан, ижтимоий тармоқларда йўлбарс ва эчкининг кундалик ҳаёти ҳақида янгиликлар, фотосурат ва видеолавҳалар бериб борилади. Интернет-дўконда эса турли хил футболка, кружка, магнитка ва ликопчаларни танлаб олиш имконияти бор.
Йўлбарс ва эчкининг дўстлиги ҳақида сўнгги кунларда пайдо бўлган латифалар жамланган алоҳида саҳифаси ҳам мавжуд.
Эслатиб ўтамиз, интернет фойдаланувчиларининг илтимосларига биноан Приморье ўлкасидаги сафари боғи маъмурияти йўлбарс Амур ва эчки Тимур истиқомат қилаётган қафасда веб-камералар ўрнатишга қарор қилган эди.
Изоҳ (0)