Халқаро футбол федерацияси (ФИФА) президенти Йозеф Блаттер Weltwoche журнали версиясига кўра йил швейцариялиги деб аталди. Бу ҳақда «ТАСС» хабар бермоқда.
Weltwoche ҳафтаномаси Цюрихда 1933 йилдан буён чиқарилади. У шов-шувли журналистик тадқиқотлари билан машҳур.
Эслатиб ўтамиз, Швейцария 24 сентябрь куни ФИФА раҳбари Йозеф Блаттерга нисбатан жиноий тергов бошлаган эди. Уни масъулиятсизлик ва мол-мулкни ноқонуний ўзлаштириб олишда айблашмоқда. Блаттер федерация учун фойдасиз бўлган телетрансляция шартномасини тузишда гумон қилинмоқда. Шартнома 2005 йилда КОНКАКАФнинг ўша пайтдаги раҳбари Жек Уорнер билан имзоланган. Бундан ташқари, ФИФА президенти УЕФА раҳбари Мишель Платинига ноқонуний пул ўтказганликда шубҳа қилинмоқда. Бунда гап икки миллион франк ҳақида бормоқда. Ушбу суммани Блаттер 2011 йилда тўлаган.
8 октябрь куни эса халқаро футбол федерацияси ахлоқ қўмитаси Блаттер, Платини ва ФИФА бош котиби Жером Валькени лавозимлари ҳамда футболга оид барча фаолиятдан 90 кун муддатга четлатди.
Изоҳ (0)