12 декабрь, шанба кечки пайт Москва ғарбидаги автотураргоҳда тўққизта автомобиль ёниб кетди. Полиция суриштирувни бошлади, машиналарга ўт қўйилгани эҳтимолдан холи эмас. Бу ҳақда Москва ички ишлар бошқармаси матбуот хизмати раҳбари Андрей Галиакберов маълум қилди, дея хабар беради «ТАСС».
«Москва полицияси ходимлари Рублевский шоссеси яқинида жойлашган 48-уй атрофидаги қўриқланадиган автотураргоҳда қимматбаҳо машиналар аланга олгани сабаби ва тафсилотларини аниқламоқда. Ҳодиса жойи кўздан кечирилиб, автотураргоҳ қоровули сўроқ қилинган, кузатув камералари видеоёзуви ўрганилмоқда. Содир бўлган ҳодисага қасддан ўт қўйганлик сабаб бўлиши мумкинлиги истисно этилмаган», — дея таъкидлаган Галиакберов.
Дастлабки маълумотларга кўра, давлат белгиси бўлмаган 5 та BMW автомобили тўлиқ ёниб кетган, уларнинг атрофидаги тўртта машина ҳам шикастланган. Мазкур ҳолат юзасидан жиноий иш очиш масаласи кўриб чиқилмоқда.
Изоҳ (0)