Дональд Трамп Саудия шаҳзодаси билан Twitter’да тортишиб қолди

АҚШ президентлигига Республикачилар партиясидан номзод Дональд Трамп Twitter’да шаҳзода ал-Валид ибн Талал билан тортишиб қолди. Бу ҳақда «Интерфакс» хабар бермоқда.

Саудия Арабистони қироли Салмоннинг қариндоши бўлган шаҳзода ибн Талал Трамп Американи шарманда қилаётгани ва ҳеч қачон президентлик сайловларида ғолиб чиқмаслигини маълум қилган. Трампнинг АҚШга мусулмонлар келишини ман этиш ҳақидаги баёноти қироллик оиласи вакилининг норозилигига сабаб бўлди.

«Сиз нафақат Республикачилар партиясини, балки бутун Американи шарманда қиляпсиз. Яхшиси, президентлик пойгасидаги иштирокингизни тўхтатганингиз маъқул, чунки барибир унда ҳеч қачон ғолиб чиқмайсиз», — дея таъкидлаган шаҳзода.

.@realDonaldTrump
You are a disgrace not only to the GOP but to all America.

Withdraw from the U.S presidential race as you will never win.

— الوليد بن طلال (@Alwaleed_Talal) December 11, 2015

Трамп эса бу твитга жавобан «нодон шаҳзода ал-Валид ибн Талал АҚШ сиёсатчиларини отасининг пуллари ёрдамида назорат қилмоқчи. Мен президент этиб сайланганимдан сўнг бундай бўлмайди», — дея киноя қилган.

https://twitter.com/realDonaldTrump/status/675523728055410689