Украина президенти Пётр Порошенко Украина Евроиттифоқ билан эркин савдо ҳудудини жорий этиш орқали бир неча йил ичида, Россия бозорининг украиналик ишлаб чиқарувчилар учун ёпилишидан етган зарарни қоплай олишига ишончи комил. Бу ҳақда у Порошенко блоки депутатлари форумида маълум қилди, деб ёзади «Корреспондент.net».
«Биз Кремль бунга қатъий қаршилик кўрсатишига қарамай, 1 январдан чуқур ва кенг қамровли эркин савдо ҳудудини жорий қилмоқдамиз. Шубҳам йўқки, бир неча йил ичида ушбу битим миллий иқтисодиётимиз, давлат бюджети, мамлакат ижтимоий соҳаси ва ҳар бир украиналикнинг ҳамёни Россиянинг ўз бозорини Украина бозори учун тажовузкорлик билан ёпганидан кўрган барча зарарни қоплайди», — деди Порошенко.
Нашр эслатишича, аввалроқ Евроиттифоқ эркин савдо ҳудуди ҳақидаги битим амалга оша бошлаганидан сўнг Украинанинг Россия бозори ёпилишидан кўрган зарарнинг ўрнини тўлдирмаслиги хабар қилинган эди.
Шунингдек, Евроиттифоқ Россияни 1 январдан Ассоциация тўғрисидаги битимнинг иқтисодий қисми кучга кириши муносабати билан Украинага қарши санкциялар жорий қилмасликка чақирган эди.
Изоҳ (0)