КХДРнинг шахсий водород бомбаси бўлиши мумкин. Мамлакатда бу турдаги қуролнинг мавжудлиги тўғрисида давлат раҳбари Ким Чен Ин гапириб ўтди, деб хабар беради «ТАСС».
«Биз ватанимиз мустақиллигини ва миллий қадр-қимматимизни ядро ва водород бомбалари кучи билан ҳимоя қилишга қодир буюк ядровий давлат бўлишга эришдик», — деди Ким Чен Ин.
Давлат раҳбари бу сўзларни Пхеньяндаги янгиланган қурол-яроғ заводига ташрифи давомида айтиб ўтганлиги таъкидланмоқда. Шимолий Корея раҳбари, шунингдек, мамлакат ҳарбий саноатни фаол ривожлантиришни давом эттириши лозимлигини таъкидлади.
Ҳозирги пайтда Шимолий Корея ҳақиқатан водород бомбасини яратганлигини тасдиқловчи расмий маълумот йўқ.
Изоҳ (0)